Արսեն Գասպարյան
2020 թ-ից առ այսօր դասավանդում է մի շարք առարկաներ միջազգային քաղաքական տնտեսության և միջազգային հարաբերությունների տեսության ոլորտներում Հայաստանի Ամերիկյան համալսարանում, իսկ 2019 թ. սեպտեմբերից Լոմոնոսովի անվան Մոսկվայի պետական համալսարանի Երևանի մասնաճյուղում։ 2014 - 2018 թթ. ակադեմիական գործունեությամբ է զբաղվել Մայամի-Դեյդ քոլեջում և Մայամիի համալսարանում (Ֆլորիդա, ԱՄՆ):
2018 - 2019 թթ. Արսեն Գասպարյանը աշխատել է Հայաստանի վարչապետի աշխատակազմում որպես վարչապետի գլխավոր խորհրդական: Աշխատանքային հարուստ կենսագրություն ունի ինչպես բիզնեսի, այնպես էլ դիվանագիտության ոլորտում։ 1990 թ.-ից աշխատել է Հայաստանի արտաքին գործերի նախարարությունում՝ զբաղեցնելով տարբեր պատասխանատու պաշտոններ։ 1993 - 1998 թթ. եղել է Հայաստանի պատվիրակության անդամ Արցախի հիմնահարցի կարգավորման խաղաղ գործընթացում։
Քաղաքական գիտությունների դոկտոր է: Ունի բազմաթիվ հրապարակումներ ամերիկյան, եվրոպական, ռուսական և հայկական գիտական պարբերականներում և մամուլում։ Գիտական և դասավանդման հետաքրքրությունների շրջանակը՝ միջազգային հարաբերությունների տեսություն, միջազգային քաղաքական տնտեսություն, արտաքին քաղաքականություն և էներգետիկա (նավթ և բնական գազ)։
2022 թ. օգոստոսից Կոնվերս բանկի խորհրդի անդամ է:
Կրթություն
Մայամիի համալսարան 2013 – 2018 թթ.
Ֆլորիդա, ԱՄՆ
Միջազգային հարաբերությունների ֆակուլտետ, PhD ծրագիր
Գիտական աստիճան՝ քաղաքական գիտությունների դոկտոր
Ատենախոսություն՝ Էներգետիկ դիվանագիտություն. Ամերիկայի Միացյալ Նահանգներ և Ռուսաստանի Դաշնություն
Երևանի պետական համալսարան 1999 թ.
Գիտությունների ազգային ակադեմիայի փիլիսոփայության և իրավունքի ինստիտուտ
Գիտական աստիճան – քաղաքական գիտությունների թեկնածու, շնորհվել է ԵՊՀ և Հայաստանի ԳԱԱ փիլիսոփայության և իրավունքի ինստիտուտի մասնագիտական խորհրդի որոշմամբ
Ատենախոսություն՝ Ազգային շահի հայեցակարգը. Ռուսաստան և հետխորհրդային տարածք:
Երևանի պետական համալսարան 1983 – 1990 թթ.
Արևելագիտության ֆակուլտետ
Թուրքագիտություն, դիպլոմ գերազանցությամբ