Զարմինե Զեյթունցյան
Զարմինե Զեյթունցյանը ղեկավարում է Հայաստանի Ամերիկյան համալսարանի hյուրընկալության մագիստրոսական վկայագրի ծրագիրը։
Զ. Զեյթունցյանը ունի երկար տարիների աշխատանքային փորձ միջազգային ֆինանսների, հասարակական և պետական կազմակերպությունների կառավարման ոլորտներում։ Նա իր կարիերան սկսել է Ռուսաստանի զարգացող բանկային ոլորտում, որպես Մոսկվայի տեխնոլոգիական բանկի արտարժույթի փոխանակման բաժնի պետի տեղակալ, այնուհետև շարունակել Ամերիկայի Միացյալ Նահանգներում որպես Կորպորատիվ հարաբերությունների ղեկավար:
Միացյալ Նահանգներում հիմնադրել է հաջողակ արվեստի տոնավաճառներից մեկը, կազմակերպել և անցկացրել 50-ից ավելի արվեստի ցուցահանդեսներ:
2016 թվականից մինչև 2018 թթ. Զ․ Զեյթունցյանը զբաղեցրել է Հայաստանի նորաստեղծ Զբոսաշրջության պետական կոմիտեի նախագահի պաշտոնը։
Զ. Զեյթունցյանը տեղափոխվել է Հայաստան 2010 թվականին՝ նպաստելու սեփական երկրի զարգացմանը: Հաջողությամբ ղեկավարել է Հայաստանի ազգային մրցունակության հիմնադրամի կողմից իրականացվող «Տաթևի վերածնունդ» լայնածավալ ծրագիրը: Զ. Զեյթունցյանը հանդիսացել է նաև RVVZ հիմնադրամի և Դիլիջանի միջազգային դպրոցի (UWC Dilijan) զարգացման տնօրեն, ինչպես նաև Հայաստանի Ամերիկյան համալսարանի հաղորդակցության գծով տնօրեն:
Կրթություն
Կալիֆորնիայի պետական համալսարան 2001 - 2004 թթ.
Բիզնես կառավարում
Մագիստրատուրա
Երևանի պետական համալսարան 1985 - 1990 թթ.
Արևելագիտության ֆակուլտետ
Արաբագիտություն, դիպլոմ գերազանցությամբ